ကျွန်တော်တို့
နေထိုင်ရာ ကရင်ပြည်နယ် ရဲ့ ခရိုင်မြို့တော်ဖြစ်ပြီး ထိုင်း-မြန်မာ နယ်စပ်မြို့ ဖြစ်သည့်
မြ၀တီမြို့သည် ထိုင်း-မြန်မာ စီးပွားရေး အချက်အချာကျသော မြို့တစ်မြို့ဖြစ်ပါတယ်။ထိုင်းနိုင်ငံဘက်
အာရှလမ်းမကြီးနှင့် ဆက်စပ်ပြီး ဖောက်လုပ်ထားသော အာရှ လမ်းကြီးသည်လည်း မြ၀တီ - ကောကရိတ် - ဖားအံ
မှ ရန်ကုန် - နေပြည်တော်သို့ ခရီးလမ်းပေါက်သော လမ်းမကြီးဖြစ်ပါသည်။ ချစ်ကြည်ရေးတံတားမှ
ဝင်ရောက်လာသည်နှင့် မြန်မာနိုင်ငံရောက်ပြီ ဆိုသည့်အချက်ကို မြ၀တီဘက် တံတားဆင်းသည်နှင့်
လမ်းမပေါ်က လကမ္ဘာကဲ့သို့သော တွင်းများ ခွက်များ က ကြိုဆိုလိုက်သဖြင့် အတတ်သိရတော့သည်
။ ဒါက အာရှလမ်းကြီးပင်ဖြစ်တော့သည်။
မိုးတစ်ဖွဲဖွဲ ရွာလိုက်ပြီဆိုလျှင်တော့ ရေများဖြင့်
ပိုပြီး သွားလာရ ခက်တော့သည်ပင်။ မြ၀တီမြို့ပေါ်ရပ်ကွက်များမှ လမ်းများသည် ကားမပြောနှင့်
မော်တော်ဆိုင်ကယ်ပင် သွားမရတော့ပေ။ အာရှလမ်း ဘုရင်နောင်ဈေးကြီးမှ မြို့ထွက်ဘက်ကို
ဆင်းသာနေရာနှင့် ဓာတ်ဆီဆိုင် အသစ်ဖွင့်ထားသောနေရာတွင်မူ ကားပင်မောင်းမရလောက်အောင် ဆိုးဝါးနေသော ကားလမ်းကြီးမှာ ကားမှောက်ပြီး လူသေပါမှ မြ၀တီ စည်ပင်သာယာက လမ်းလာပြင်မလားမပြောတတ်ပါ။ ယခုအထိ အကြီးစား ပြင်ဆင်မှု့များ လုံးဝမလုပ်ပေ။ တစ်လ တစ်ကြိမ်
ကျောက်ခဲများကျင်းသေးသေးလေးထဲကို လာဖြည့်ရုံကာမျှ ကလွဲလို့မှအပ ဘာမှ မလုပ်ပါ။
ထိုင်းဘက် ကမ်းနဖူးမှ မဲဆောက်အထိ အာရှလမ်းမကြီးဆိုသည်မှ
မြင်ဖူးမှသိမည်သာဖြစ်သည်။ ကားပေါ်မှာ တင်ထားသည့် ကော်ဖီခွက်မှာ တစ်စက်ပင် မောက်ကျဖို့
မရှိပေ။
ကျွန်တော်
မြ၀တီသား ရှက်မိပါတယ်။ မြ၀တီစည်ပင်ကတော့ ထိုင်းက မနေနိုင်ဘဲ လာပြင်ပေးတာကို စောင့်နေသည်ဟုတော့
ထင်မိပါသည်၊ သို့သော် ဘယ်အချိန်လာပြင်မည်ကိုတော့ မသိရ။ မြ၀တီစည်ပင်က ကောက်သည့်အခွန်ကတော့အချိန်တန်ရောက်လာသည်ပင်ဖြစ်သည်။
နိုင်ငံတော်သမ္မတကြီး၊ ကရင်ပြည်နယ်ဝန်ကြီးချူပ်နှင့် အစိုးရ၀န်ကြီးများ သိရှိစေရန်နှင့်
ကျွန်တော်တို့ မြ၀တီ လမ်းတွေကောင်းလာစေဖို့ အရေး ကျွန်တော် ဒီစာလေးကို ရေးလိုက်ရပါတယ်။
ကျွန်တော်တို့
မြ၀တီက မဲဆောက်နဲ့ နီးပေမယ့် အစစ အရာရာ အရမ်းကို ကွာနေပါသေးတယ်။
ရေ-မီး-အင်တာနက် ကအစပါ၊
လမ်းလေးတွေကောင်းလာရင်တော့ ကျွန်တော်မြ၀တီသား အရမ်းကို ၀မ်းသာပါပြီ သေပျော်ပြီလို့တောင်ပြောရပါမည်။
လမ်းများကို ကောင်းစေချင်တဲ့
မြ၀တီသား
(U.V.I)
No comments:
Post a Comment
သင်ပြောသောစာသားများသည် ကျွနိုပ်တို့အတွက် အားဆေးတစ်ခွက်ဖြစ်ပါသည်။